«ŪLAR» сыйлығы иелерін тапты
<p style="text-align: left;">Жезқазған қаласында Ұлытау облысы әкімінің бұқаралық ақпарат құралдары қызметкерлеріне арналған «ŪLAR» сыйлығын табыстау рәсімі өтті. Сондай-ақ Президент тапсырмасымен тұңғыш рет жергілікті журналистерге баспана берілді.</p>
Облыс әкімі Дастан Рыспеков БАҚ қызметкерлерін мерекемен құттықтап, «Хабар» телеарнасының Ұлытау облысындағы меншікті тілшісі Елдос Кәкенов пен «Аймақ ақшамы» газетінің аға тілшісі Мейрамгүл Алпысбаеваға екі бөлмелі пәтердің кілттерін тапсырды.
Бұған қоса, өзге де әріптестеріміз «Ерен еңбегі үшін», «Еңбек ардагері» медальдарымен, «Ақпарат саласының үздігі» төсбелгісімен, Мәдениет және ақпарат министрінің Құрмет грамотасымен және Алғысхатымен марапатталды. Сондай-ақ бірқатар журналист Ұлытау облысы әкімінің Құрмет грамотасы мен Алғыс хатын, Қазақстан Журналистер одағының «Қазақстанның құрметті журналисі» медалін иеленді.
Облыс әкімінің «ŪLAR» сыйлығын алған БАҚ өкілдері қатарында «Egemen Qazaqstan» газетінің Ұлытау облысындағы меншікті тілшісі Жұлдыз Тойбек те бар. Барлық жеңімпазға 500 мың теңге ақшалай сыйлық, диплом, арнайы мүсінше тарту етілді.