Аккумулятор өндірісіне арналған жоба

Келіссөз барысында ми­нерал­дық шикізатты терең өңдеу, аккумуляторлық бата­рея­лар шығару, энергия жи­нақтау жүйелерін өнді­ру мен пайдаланылған бата­рея­ларды қайта өңдеу бағы­тындағы бірлескен жоба талқыланды. Үкімет жоғары технологиялық өндірістерді дамыту мен терең өңдеуге негізделген өнеркәсіпті қалыптастыруға басымдық беріп келеді. Осы бағыттағы маңыз­ды кездесулердің бірі әлем­дік аккумулятор өндірі­сінің көшбасшысы саналатын «CATL» компаниясының басшы­лығымен өтті.

Кездесу барысында еліміз­де шикізатты өңдеуден бастап аккумуляторлар мен энергия жинақтау жүйелерін өндіруге, кейін пайдаланылған батарея­ларды қайта өңдеуге дейінгі толық өндірістік тізбекті қа­лып­тастыру мәселесі кеңінен қарал­ды. Нұрлыбек Нәлібаев Мемлекет басшысының тап­сырмасына сәйкес елде жоға­ры қосылған құны бар өнім шығаратын өндірістерді да­мыту­ға ерекше көңіл бөлініп отыр­ғанын жеткізді. Оның айтуынша, әлемдік деңгейдегі технологиялық компаниялармен ұзақмерзімді әріп­тес­тік орнату өнеркәсіпті жаң­ғыр­ту­ға, жаңа жұмыс орындарын ашуға әрі өңдеу секторын дамытуға тың серпін береді.

Келіссөзде минералдық шикізатты терең өңдеу әлеуетін тиімді пайдалану, аккумулятор өндірісіне қажетті компоненттерді игеру, энергия сақтау жүйелерін шығару мен пайдаланылған аккумуляторларды қайта өңдеу бағытындағы инвести­ция­лық жобалардың мүм­кін­­діктері сараланды. Кездесу қорытындысында тараптар инвестициялық ынты­мақ­тастықты кеңейтуге әрі бірлескен жобаларды іске асыру бағытындағы өзара мүдделілігін растады. Бұл бас­тамалар елімізде жоғары технологиялық өндірістерді дамытуға, қосылған құны жоғары өнім үлесін арттыруға әрі өңдеу өнеркәсібінің жаңа буынын қалыптастыруға жол ашады.