Франция Норвегияны 4:1 есебімен жеңіп, топта бірінші орын алды
<p>Футболдан әлем чемпионатының I тобындағы үшінші тур аясында <span class="hover:entity-accent entity-underline inline cursor-pointer align-baseline"><span class="whitespace-normal">Норвегия</span></span> мен <span class="hover:entity-accent entity-underline inline cursor-pointer align-baseline"><span class="whitespace-normal">Франция құрамасы</span></span> кездесті. АҚШ-тың Фоксборо қаласындағы <span class="hover:entity-accent entity-underline inline cursor-pointer align-baseline"><span class="whitespace-normal">Gillette</span></span> стадионында өткен ойында француздар 4:1 есебімен жеңіске жетті, деп хабарлайды <a href="/" target="_blank" rel="noopener noreferrer">Egemen.kz</a></p>
Кездесудің 7-минутында Усман Дембеле есеп ашып, Францияны алға шығарды. 20-минутта дубльдің авторы атанса, араға бір минут салып Тело Осгор Норвегия сапынан бір гол қайтарды. Ал 32-минутта Дембеле үшінші голын соғып, хет-трик жасады.
Екінші таймда, 50-минутта Йёрген Странн Ларсен пенальтиді мүлт жіберді. Ойын соңындағы қосымша уақытта Дезире Дуэ Францияның төртінші голын соғып, матчтың қорытынды есебін белгіледі. 4:1.
Топтық кезең қорытындысы бойынша Франция құрамасы 9 ұпаймен I топта бірінші орын алды. Норвегия 6 ұпаймен екінші сатыға жайғасты.
1/16 финалда Франция Шотландия, Парагвай, Швеция, Бельгия немесе Кабо-Верде құрамаларының бірімен кездеседі. Ал Норвегия құрамасының қарсыласы – Кот-д'Ивуар болады.
Әлем чемпионатының топтық кезеңі 11–27 маусым аралығында өтті. Әр топтан алғашқы екі орын алған құрамалар және үшінші орын иеленген сегіз үздік команда плей-офф кезеңіне жолдама алды.