Никаб киюге тыйым: Жамбылда 20-ға жуық заң бұзушылық анықталды
<p><strong>2026 жылдың 2 наурызынан бастап Қазақстанда қоғамдық орындарда адамның кім екенін тануға кедергі келтіретін, бет-жүзін толық жабатын киімдерді (оның ішінде никаб және т.б.) киюге заң жүзінде тыйым салынды, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Осыған байланысты, Жамбыл облыстық Полиция департаментінің Экстремизмге қарсы іс-қимыл басқармасының қызметкерлері тұрғындар арасында түсіндіру жұмыстарын белсенді жүргізіп жатыр. Тәртіп сақшылары бақылауды келесі орындарда күшейтті:
- Сауда орталықтары мен базарларда;
- Халыққа қызмет көрсету орталықтарында (ХҚКО);
- Қоғамдық көліктер мен адамдар көп жиналатын басқа да орындарда.
Сонымен қатар өңірдегі бірнеше қоғамдық нысандарға заң талаптарын ескертетін арнайы ақпараттық баннерлер қойылды.
Бетін тұмшалап жүрген 1600-ден астам адам жауапкершілікке тартылды
Жүргізілген жедел-профилактикалық жұмыстардың нәтижесінде, жыл басынан бері Жамбыл облысының аумағында бет тұмшалауға қатысты 20-ға жуық заң бұзушылық дерегі тіркелді. Ережеге бағынбаған құқық бұзушыларға қатысты заң аясында тиісті әкімшілік шаралар қолданылды.
Полиция департаменті азаматтарға қоғамдық орындарда бетті толық жауып жүруге болмайтынын және бұл талапты бұзғаны үшін құқықтық жауапкершілік қарастырылғанын тағы бір мәрте ескертеді.