Адам капиталы – ҚТЖ дамуының басты кепілі
<p style="text-align: left;">«ҚТЖ» ҰК» АҚ адам капиталын дамытуға, кадрлық әлеуетті нығайтуға және кәсіби білімнің сабақтастығын қамтамасыз етуге бағытталған жобаларды дәйекті түрде іске асырып келеді. Саланың ауқымды трансформация­сы жағдайында болашақ басшыларды даярлауға, қызметкерлердің кәсіби құзыреттерін дамытуға, тұрақты кадр жүйесін қалыптастыруға ықпал ететін бастамалар ерекше маңызға ие болады. Бұл жөнінде «Қазақстан темір жолы» ҰК» АҚ аппарат басшысы Ерлан Амандықов өз ойын былайша өрбітті.</p>
Жастар кадрлық резерві: саланың болашақ көшбасшыларын дамыту
Компанияның негізгі жобаларының қатарында – Басқарма төрағасының Жастар кадрлық резерві, тәлімгерлік инс-титуты және Қорғаныс министрлігімен теміржол бейініндегі мамандарды даярлау жөніндегі бірлескен бастама бар.
2025 жылы «ҚТЖ» ҰК» АҚ-да компанияның болашағы зор жас қызметкерлерін анықтауға және дамытуға бағытталған «Басқарма төрағасының Жастар кадрлық резерві» жобасы іске қосылды.
Бүгінде компанияда 35 жасқа дейінгі 35 мыңнан астам қызметкер жұмыс істейді. Жастар кадрлық резерві неғұрлым ынталы және болашағы зор мамандарға кәсіби даму мен мансаптық өсу үшін қосымша мүмкіндіктер береді. Іріктеу қорытындысы бойынша резервке компанияның 161 жас қызметкері қатысты.
Әр резервші үшін жеке даму жоспарлары мен мансаптық карталар жасалды. Қатысушылар басқарушылық, көшбасшылық және кәсіби құзыреттер бойынша оқытудан өтеді, компания басшылары мен сарапшыларының арасынан тәлімгерлермен жұмыс істейді. Сондай-ақ
ҚТЖ жұмысының әртүрлі бағыттарын жетілдіруге бағытталған жобалау қызметіне қатысады.
Қазіргі уақытта резервшілер өз жобаларын оқытуды, жүзеге асыруды жалғастыруда. Жобалық бастамаларды қорғау 2026 жылдың күзіне жоспарланған.
Бағдарлама компанияның ішкі кадрлық әлеуетін дамытуға, кадрлық резервті қалыптастыруға, мамандардың кәсіби өсуі үшін жағдай жасауға ықпал етеді.
Тәлімгерлік институты: кәсіби тәжірибені сақтау және бөлісу
Кез келген өндіріс саласында нұсқаулықта жазылмаған жайттар бар. Тәжірибелі жұмысшы штаттан тыс жағдайды орын алғанға дейін сезеді. Бригадамен қалай сөйлесу керектігін біледі. Регламенттің қай жерде жұмыс істейтінін, қай жерде жұмыс істемейтінін түсінеді. Мұндай адам зейнетке шыққан кезде бұл тәжірибе де сонымен бірге кетеді. 2025 жылы компанияда тәлімгерлік қызметті ұйымдастырудың және білім беру мәдениетін дамытудың бірыңғай тәсілдерін айқындайтын тәлімгерлік туралы ереже жаңартылды.
Тәлімгерлік бағдарламасына қатысуға деген қызығушылықты тәлімгерлер рөліне өтініш берген 1000-нан астам қызметкер растады. Іріктеу нәтижелері бойынша 400-ден аса үміткер белгіленген талаптарға сәйкестігін дәлелдеді. Оның 137-сі жастар резервіне қатысушыларға бекітілді.
Олар үшін бес тақырыптық модульді: тәлімгерлік жүйесін, андрагогиканы және TWI әдісін, коучинг пен кері байланысты, тиімді байланысты, эмоционалды интеллектіні, шешендікті қамтитын арнайы дайындық бағдарламасы ұйымдастырылған. Бұл маңызды сәт: тәлімгер жаңадан келгенге бекітіліп қойылған «аға» ғана емес, оған білімді қалай дұрыс беру керектігі де үйретіледі.
Үздік тәжірибелерді таратуға, қызметкерлердің компания кадрлық әлеуетін дамытуға қосқан үлесін тануға бағытталған «ҚТЖ үздік тәлімгері» байқауы тәлімгерлік мәдениетін дамытудың қосымша құралы болды. Тәлімгерлік институтын дамыту кәсіби құзыреттіліктердің сабақтастығын қамтамасыз етуге, жас қызметкерлердің неғұрлым тиімді бейімделуіне, компания ішінде бірегей өндірістік тәжірибені сақтауға ықпал етеді.
Қорғаныс министрлігімен бірлесіп кадр даярлау
Жұмыстың жаңа бағыттарының бірі – «ҚТЖ» ҰК» АҚ мен Қорғаныс министрлігі арасындағы кадрларды кәсіптік даярлау саласындағы ынтымақтастықты дамыту.
Бастама кейіннен біліктілік куәлігін ала отырып, мерзімді қызметтегі әскери қызметшілерді қажетті теміржол мамандықтары бойынша оқытуды ұйымдастыруды көздейді.
Пысықталатын модель шеңберінде Қорғаныс министрлігі әскери қызметшілердің белгіленген тәртіппен қызмет өткеруін қамтамасыз ететін болады, ал ҚТЖ жекелеген теміржол кәсіптері бойынша теориялық және практикалық даярлықты ұйымдастырады. Алынған білім мен дағдылар бағдарлама қатысушыларына қызмет аяқталғаннан кейін одан әрі жұмысқа орналасу мүмкіндіктерін кеңейтуге жағдай туғызады.
Компания үшін жобаны іске асыру сұранысқа ие жұмысшы мамандықтарына кадрлық әлеуетті қалыптастыру бойынша қосымша мүмкіндік туғызады, сондай-ақ жастар арасында теміржол кәсіптерін танымал етуге ықпал етеді.
Қазіргі уақытта жоба келісу және пилоттық іске асыруға дайындық сатысында.
* * *
Әртүрлі бағыттарға қарамастан, барлық үш жоба да компанияның адам капиталын дамытудың бірыңғай жүйесінің бөлігі болып табылады.
Жастар кадрлық резерві болашағы бар мамандарды дамытуға, болашақ басшылардың кадрлық әлеуетін қалыптастыруға бағытталған.
Тәлімгерлік институты қызметкерлердің ұрпақтары арасында кәсіби тәжірибе мен білім беруді қамтамасыз етеді. Қорғаныс министрлігімен бірлескен бастама сұранысқа ие жұмысшы мамандықтары бойынша кадрлар даярлау мүмкіндіктерін кеңейтуге бағытталған.
Осы жобаларды кешенді іске асыру компанияның кадрлық тұрақтылығын нығайтуға, қызметкерлердің кәсіби құзыреттерін дамытуға, теміржол саласының қазіргі заманғы талаптарына жауап беретін персоналды даярлау мен дамытудың тиімді жүйесін қалыптастыруға ықпал етеді.
Дайындаған –
Нұрбай ЖОЛШЫБАЙҰЛЫ,
«Egemen Qazaqstan»