Эль-Ниньо құбылысы 2028 жылға дейін созылуы мүмкін
<p class="isSelectedEnd"><strong>Тынық мұхитының экваторлық бөлігінде қазірдің өзінде мол жылу қоры жиналған. Бұл аймақтағы су температурасы қалыпты деңгейден шамамен 6 градусқа жоғары. Мұндай жағдай әлемнің көптеген өңіріндегі ауа райына әсер етуі мүмкін, деп хабарлайды <a href="/" target="_blank" rel="noopener noreferrer">Egemen.kz</a>.<br /></strong></p>
Эль-Ниньо Индонезияда, Оңтүстік Африка елдерінде және Оңтүстік Американың солтүстігінде құрғақшылыққа әкелуі ықтимал. Ал АҚШ-тың оңтүстігі мен Мексикада нөсер жауын жауып, су тасқыны болуы мүмкін.
2023-2024 жылдардағы алдыңғы күшті Эль-Ниньо кезеңі Бразилияда су тасқынын, ал Үндістанда, Индонезияда және Африка елдерінде құрғақшылықты туғызды. Соның салдарынан егін шығымы азайып, азық-түлік бағасы қымбаттап, экономикалық шығын көлемі 100 миллиард долларынан асты.
Ғалымдар Эль-Ниньо жаһандық жылынуды күшейтіп, аптап ыстықтың, орман өрттерінің және басқа да табиғи құбылыстардың жиілеуіне ықпал етуі мүмкін екенін ескертеді. Мамандар ерте ескерту жүйелерін жетілдіріп, төтенше жағдайларға алдын ала дайындалуға шақырады.