Өкілеттігін тоқтату мәселесі қаралды

Парламент Сенаты Конституциялық заңнама, сот жүйесі және құқық қорғау органдары комитетінің кеңейтілген отырысында Конституциялық Кеңес мүшесі Анар Жайылғанованың өкілеттігін тоқтату туралы мәселе қаралды. Конституциялық Кеңес төрағасының ұсынымы негізінде комитет Парламент Сенатына Конституциялық Кеңестің мүшесі Анар Жайылғанованың «Нұр Отан» саяси партиясына кіруіне байланысты өкілеттігін тоқтатуға ұсыным берді, деп хабарлады Парламент Сенатының баспасөз қызметі.