Департамент басшысы қамауға алынды

Орал қалалық соты Ұлттық экономика министрлігі табиғи монополияларды реттеу және бәсекелестікті қорғау комитеті Батыс Қазақстан облысы бойынша департаментінің басшысы Валихан Разовты екі ай мерзімге қамауға алуға шешім шығарды. Оған Қылмыстық кодекстің екі бірдей бабы бойынша айып тағылған. Оның бі­ріншісі – өзінің қызмет ба­бын теріс пайдалану болса, екінші – лауазымдық өкілеттілігін асыра пайдалану. Аталған департамент басшысы Валихан Разовқа сот санкциясы шарасы 2016 жылдың 30 қаңтары күні күшіне енген. Темір ҚҰСАЙЫН, «Егемен Қазақстан». Батыс Қазақстан облысы.