Б.Сағынтаев Жамбыл облысының білім беру саласының мамандарымен кездесті

Жұмыс сапары аясында Бақытжан Сағынтаев Жамбыл облысының білім беру саласының қызметкерлерімен Елбасы Жолдауларында және жуырда өткен Қауіпсіздік кеңесінің отырысында алға қойған тапсырмаларын орындау аясында жоғары, техникалық және кәсіптік білім беру жүйесінде білім сапасын арттыру, гранттарды тиімді пайдалану, сондай-ақ ЖОО мен колледждерде білім алу құнын төмендету және баға қалыптастыру айқындығын арттыру бойынша кездесу өткізді, деп хабарлайды primeminister.kz.

Егемен Қазақстан
14.11.2018 3617
2

Жиынға ЖОО ректорлары, колледждердің директорлары, жастар мен студенттер ұйымдарының, «Атамекен» ҰКП, бизнес қауымдастықтар, ҮЕҰ және облыстық прокуратура өкілдері қатысты.

Елбасы өзінің жыл сайынғы Жолдауларында білім беру жүйесіне айрықша назар аударатынын айта кеткен жөн. Маңызды мәселелер — мектеп қабырғасынан бастап колледждер мен университеттерге дейін сапалы кадрларды даярлау. Президент білім, ғылым және денсаулық сақтау шығындарын барлық көздерден бес жыл ішінде ЖІӨ-нің 10%-на дейін жеткізуді тапсырды. Қазіргі таңда білім беруге жұмсалған шығындар ЖІӨ-нің 7,3–7,4%-ын құрайды.

Үкімет Президенттің тапсырмаларын орындау үшін қажетті шараларды қабылдап жатыр. Алдағы үш жылда Жолдауды іске асыруға 1,75 трлн теңге бағытталады. 2019 жылғы 1 қаңтардан бастап ең төменгі жалақы мөлшері 1,5 есеге — 28-ден 42 мың теңгеге дейін өседі. Осылайша, 1,3 млн жалдамалы жұмысшының жалақысы 30%-ға өседі. Сондай-ақ, бұл 275 мың азаматтық қызметкерге, оның ішінде педагог мамандарына қатысты, олардың жалақысы 35%-ға артады.

Премьер-Министр «Мұғалім мәртебесі туралы» заң қабылданғаннан кейін жоспарланған реформаларды бастау туралы шешім қабылданғанын атап өтті. Мұғалімнің мәртебесін көтеру — келешек ұрпақты тәрбиелеудің негізі, өскелең ұрпақ үшін мұғалім үлгі және өнеге болуы тиіс. Бұған қоса университеттерде мұғалімдерді даярлау мәселесіне ерекше көңіл бөлу қажет.

Білім беру жүйесінің маңызды мәселелерінің бірі — сапа мен баға арасындағы сәйкессіздік. Осыған байланысты Б. Сағынтаев кездесу қатысушыларын себептерді анықтауға және бірлесіп қажетті шараларды қабылдауға шақырды. ЖОО-лар мен колледждерге қойылатын талаптар — түлектердің жұмысқа орналасуын қамтамасыз ету және оқытушылар құрамының тиісті біліктілігінің болуы. Бұл үшін бірқатар шешімдер қабылданды: ЖОО-лардан жұмысқа орналасу көрсеткіштері төмен мамандықтардың лицензиялары қайтарып алынады, әрбір бес жылда оқытушылар біліктілік талаптарына сәйкес емтихан тапсырады. Бұдан өзге, университеттер мен колледждердің техникалық жабдықталуы заманауи талаптарға сәйкес келуі керек екені аталып өтті.

Сонымен қатар, кездесу барысында Жамбыл облысының білім беру саласының өкілдері сөз сөйледі. М. Х. Дулати атындағы Тараз мемлекеттік университетінің ректоры М. Сарыбеков облыста білім беру жүйесін одан әрі дамыту бағыттары арасында заманауи талаптарды және өңір экономикасының қажеттіліктерін ескере отырып, жаңа мамандықтарды ашу мәселесін атап өтті. Тараз мемлекеттік педагогикалық университетінің ректоры Е. Әмірбекұлы оқытуға жаңа пәнді қосу туралы ұсыныс білдірді. Тараз инновациялық-гуманитарлық университетінің ректоры Е. Саурақов бүгінде Президенттің Бес әлеуметтік бастамасын орындау аясында іске асырылып жатқан студент жастарды жатақханамен қамтамасыз ету мәселесін көтерді. Қаратау гуманитарлық-техникалық колледжінің директоры Д. Мәселбеков өз сөзінде жұмысшы мамандықтары (инженерлік-педагогикалық, құрылыс, химия және т.б.) бойынша қосарлы білім беру тақырыбын қозғады.  

Облыстық Білім басқармасының басшысы Р. Тұрмаханбетова өз кезегінде өңірде мектепке дейінгі және орта білім берудің қолжетімділігі мен сапасын арттыру бойынша қабылданып жатқан шаралар туралы баяндады. Мектепке дейінгі білім беру бойынша: осы жылдың басынан бері облыста 3357 орынға арналған 35 мекеме, оның ішінде 30 жекеменшік балабақша мен 5 шағын орталық ашылған. Осылайша, 3 жастан 6 жасқа дейінгі балаларды қамту 98% құрайды. Президенттің тапсырмасы бойынша орта білім беру сапасын арттыру мақсатында Назарбаев зияткерлік мектептері жүйесіне 40 білім беру мекемесі көшірілді. 16 мыңға жуық мұғалім еңбекақыларына 30% көлемінде үстеме ақы алады.

Бұған қоса, мәселелерді талқылау барысында студент жастардың өкілдері Президенттің Қазақстан халқына Жолдауында айтылған бастамаларға қолдау білдірді. Атап айтқанда, Жамбыл политехникалық жоғары колледжінің IV курс студенті М. Асылхан жаңа неміс білім беру бағдарламасы бойынша алған тәжірибесімен бөлісті. Бағдарлама бірнеше біліктілікті алуға мүмкіндік береді. Мәселен, 2,5 жыл ішінде ол 10-ға жуық біліктілікті игерді: бұл — сылақ және геодезиялық жұмыстар, кірпіш қалау, бетон, монтаж және әрлеу жұмыстары. Алынған білімдер мен дағдылар еңбек нарығында тиісті жұмысты табуға елеулі септігін тигізеді.

Тараз мемлекеттік педагогикалық университетінің соңғы курс студенті Ү. Ілиясова, өз кезегінде, «Мұғалім мәртебесі туралы» заңды қабылдау жөніндегі Елбасының бастамасын қолдайтынын жеткізді. Оның айтуынша, бұл жас педагогтар мен студенттерді жігерлендіреді. Аталған заң жас мамандарға өздеріне деген сенімді ұялатып, сәтті нәтижелер көрсетуге жол ашады, ал білім беру саласын қаржыландыруды ұлғайту жас мамандардың ұстаз болуға деген қызығушылығын оятпақ.

«Елбасымыз биылғы Жолдауында 2019 жылды жастар жылы деп белгіледі. Бес әлеуметтік бастамасында жатақхана мәселесіне тоқталды. Бұның барлығы жастарға жасалып жатқан қолдау деп білеміз. Біз, жастар, Президентке шексіз алғыс айтамыз», — деді өңір жастарының атынан Ү. Ілиясова.

Премьер-Министр өңірде білім беру қызметтерінің сапасымен танысу мақсатында жоғары политехникалық колледждің материалдық-техникалық жабдықталуын тексерді. Жалпы химия зертханасына барды, онда химиялық талдауға арналған жаңа қондырғылар енгізілген. Бұдан өзге, Б. Сағынтаевқа роботты техниканың әзірленген жүйесі таныстырылды. Жамбыл облысы әкімдігінің деректері бойынша техникалық және кәсіптік білім беру саласында 48 ұйым жұмыс істейді, оның 25-і — мемлекеттік. 2018 жылы экономиканың 94 басым саласы бойынша 27 396 студент, оның ішінде 14 657 — мемлекеттік тапсырыс бойынша ТжКБ алуда.

СОҢҒЫ ЖАҢАЛЫҚТАР

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

16.02.2019

Алматыда студенттер арасында «IITU Robocon 2019» роботехника чемпионаты өтті

16.02.2019

Павлодарда «Қаһармандар» республикалық қоғамдық қорының филиалы ашылмақ

16.02.2019

Сенатор Ә.Құртаев Азия елдері парламентшілерінің кездесуіне қатысты

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу