Астана: EXPO эволюциясы

EXPO көрмесінен қалған жетістіктер ел экономикасының қажеттілігіне орай тамаша бейімделгенін көрсетіп отыр. «Астана ЭКСПО-2017» компаниясының менеджменті көрмеден кейін жаңартылған кешенді тағы бір рет аралатты, ал жаңа жобалардың ауқымы таңдай қақтырады! 

Егемен Қазақстан
10.12.2018 3864
2

Ішкі мазмұны қалай өз­гер­­­се де, Көрменің аума­ғы­ жа­ңа жетістіктердің ор­ны ­бол­ған және солай болып қа­ла бе­реді де. Өдеріңіз біле­тін­дей, Ас­­танадағы EXPO-2017 ны­сандарының құрылысы халық­ара­лық мамандандырылған көрмені өткізу үшін салынған еді. Бірақ, нысандар тек экспо­наттарды көрсетуге ғана арналып жобаланған жоқ. Ұйым­дастырушылар әуел бастан-ақ көрме кешені кейін де елор­даның туристік және қаржылық орталығына айналады деп жос­парлаған болатын. «Астана ЭКСПО» сияқты инвестициялық жобалар қаланың жан-жақты дамуына ықпал етіп, көптеген жұмыс орындарын ашады, мол инвестиция тартып, көрмеге жапсарлы аумақтың көлік ин­фрақұрылымын дамытуға серпін беріп, «тартылыс» орталығы болудың негізін қалайды.

Болашақтың аумағы

Бүгінде ЭКСПО кешені – Мемлекет басшысының бастамасымен жүзеге асырылған 4 ірі жаһандық жобаның дамуы­на арналған алаң іспетті. Ол жо­ба­лардың барлығын өзара ин­новациялық күш біріктіріп отыр.

Мәселен, «Астана» халық­аралық қаржы орталығы Еура­зиялық кеңістік бойынша қар­жылық қызмет көрсететін ірі орталыққа, шетелдік капитал тартудың катализаторына, сон­дай-ақ Қазақстан, Еуропа мен Азия нарықтарын біріктіретін қаржы хабына айналуға бағыт­талған жоба. Жуық арада АХҚО ғимаратында әлемдегі ең танымал озық компаниялардың атаулары жазылады. Ал ол шетелдік компаниялар үшін бұл жерде жасалатын жағдай өте тартымды: қаржы орталығының қатысушысы болып, резиденті атанған және Қазақстан экономи­касының басым салаларына ин­вестиция құйған шетелдік инвесторлардың құқығы АХҚО Халықаралық төрелік сотының аясындағы халықаралық жоғарғы стандарттарға сай қорғалады. Тағы бір амбициялық, бірақ орын­­далуы әбден мүмкін мақ­саттың бірі – алдағы үш жыл ішінде әлемдегі ең атақ­ты 50 ха­лықаралық қаржы орталы­ғының қатарына қосылу міндеті.

АХҚО Астанаға «қаржы ас­танасы» деген жаңа мәртебе алып берді. Естеріңізге сала ке­­­тейік, 14 қарашада «Нұр Әлем» Сферасында Президент Нұрсұлтан Назарбаев қар­­­­жы орталығының Astana International Exchange (AIX) бир­жасында алғашқы сауда-саттықты бас­тап берген болатын. Биржа қа­зақ­стандық және шетелдік ірі ком­паниялардың миллиондаған қаржыға сау­да жасауына мүмкіндік береді. Биржадағы IPO-ға шыққан ал­­­ғаш­қы ұлттық компания – әлем­­дік уран индустриясының көш­басшысы «Қазатомөнеркәсіп» компаниясы болды. Мемлекет басшысы атап өткендей, бұрын қазақстандықтар атақты Wall Street-тегі баға келісімдерін тек телеарналардан көрсе, қазір ЭКСПО аумағында толық бизнес-циклы бар жоғары технологиялы биржа инфрақұрылымы пайда болып келеді.

Сонымен қатар көрмеден кейін жүзеге асырылып жат­қан жоғары технологиялық жо­ба­лардың бі­рі «Astana Hub» ха­лықаралық ІТ-стартаптар тех­нопаркі болмақ. Жобаны Аме­ри­каның атақты Кремний алқа­бының отандық баламасы деуге бола­ды. Бұл жерде «made in Kazakhstan» брендімен шығатын ин­новациялық технологиялар мен стартаптардың дамуы үшін тамаша жағдайлар жасалған. Технопарк Қазақстанның инно­вациялық экожүйесін дамытатын локомотив пен орталық күшке, сондай-ақ ІТ-бизнесті дамыту үшін халықаралық қауымдастық мойындаған хабқа айналуы керек.

IT-Университет – елімізді цифрлан­дыру әлеміне кірік­тіре­­тін тағы бір қуатты күш. Уни­­­­­вер­ситет «Carnegie-Mellon» және «Singularity University» сияқ­­ты озық технологиялық университеттермен арадағы ын­тымақтастықтың нәтижесінде құрылып жатыр. Қазақстанның цифрлы салаларына қажетті жоғары білікті мамандар ин­но­­вациялық қарқынды бағдар­ламалар бойынша оқыты­лады.

Ал «Халықаралық жасыл тех­нология және инвестициялық жобалар орталығы» «Астана ЭКСПО-2017» көрмесінен қалған мұ­ралардың идеологиялық жал­­ғасына айналады. Бұл ор­та­лық баламалы энергия көз­дері саласындағы ғылыми зерт­теу­лердің нәтижелері мен озық тех­нологияларды енгізу арқылы Қазақстанның және бара-бара Орта Азия өңіріндегі елдердің қарқынды түрде «жасыл» эко­номикаға ауысуына жағдай жасайды.

Жетістіктер орталығы

Қазақстандықтар таңданар, бірақ мұнымен Астана ЭКСПО көрмесінің инфрақұрылымдық ресурсы таусылған жоқ! Ең бас­ты жобаларды дамытумен қа­тар, ЭКСПО кешені еліміздің іс­кер­лік нарығын белсенді түрде және жемісті дамытып отырған алаңға айналып келеді. Ұлттық ком­паниядан хабарлағандай, жуық арада Көрме аумағында жалпы аумағы 35 мың шаршы метрді құрайтын, «А» клас­ты­ кеңселері бар халықаралық са­па стандартымен салынған EXPO Business Centre бизнес ор­талығы ашылады. Жаңа бизнес орталық бизнесті дамытуға қажетті жаңалықтар мен тамаша жағдайдың бірегей үйлесімін ұсынады.

Компаниялардың көбі­ нысан­ның ең негізгі артықшылықтарына лайықты бағасын береді: бұл жайлы жабдықталған жоғары деңгейлі кеңселер, ыңғайлы ин­фрақұрылым – бизнес орталық «Астана» халық­аралық қаржы орталығына, «Нұр Әлем» Сфе­расына, ЭКСПО-дағы Конгресс-Орталыққа барынша жақын орналасқан.

Орталықтың басқа да оңтайлы жетістіктерінің тізімін ыңғайлы логистикасы толықтырып отыр – ол елорданың әкімшілік орта­лығына, Н.Назарбаев атындағы ха­лықаралық әуежайға және «Нұр­лы жол» темір жол вокзалына жақын орналасқан. Оның үстіне, Қазақстандағы ең ірі «Mega Silk Way» сауда орталығы мен өте заманауи «Hilton Astana» қо­нақ үй кешені де бір аттам жер­де тұр.

2019 жылы Қазақстандағы ең ірі Көрме орталықтарының бірі ашылады, бұл орталық ауқымды халықаралық және ұлт­тық көрмелерді, конгрестік шаралар мен өзге де маңызды оқиғаларды өткізуге арналған көп функционалды бизнес-арена болады. Орталықтың жалпы аумағы – 20 мың шаршы метр, ішінде мультифункционалды павильондар мен залдары бар.

Орталық аумағына экспози­ция­ларын қоя алатын компания­лар үшін бұл шетелдік әріп­тес­терге өздерінің соңғы жетіс­тіктері мен жобаларын таныс­тырып, олар­­мен іскерлік келі­сімшарт жа­сасып, адал клиент жинап, кәсіпорынның жағымды имиджін қалыптастыру үшін таптырмас мүмкіндік болмақ. Көрме орталығының заманауи сәулеті мен ең соңғы мультимедиялық құрылғыларымен қамтылуы да кез келген ауқымды шараларды өткізуге жағдай жасайды.

Ең ірі іскерлік және мәдени кездесулерді ұйымдастыру үшін салынған ЭКСПО-ның Конгресс орталығы да тиімді жұмыс істеп тұр. Айта кетейік, EXPO-2017 көр­месінің ашылу және жабылу салтанаттары дәл осында өт­­­­кен болатын. Конгресс-Орта­лық­тың жылжымалы залдарына 4500 адам сыяды, әрі шара­ны безендіру үшін кез келген ди­зайнерлік идеяларды жүзеге асы­ру үшін ыңғайлы және өтетін шараның жеке стиліне байланыс­ты ыңғайландыруға болады.

«Нұр Әлем» сферасы – көрме кешенінің орталық нысаны, ЭКСПО-ның мақтанышы. Бұл – әлем­де баламасы жоқ, диаметрі 80 метрлік шар формасындағы ғимарат. Заманауи инсталляция­лар мен сан түрлі тақырыптағы зерт­ханалар орналасқан осы сегіз қабатты ғимарат Қазақстан мен әлемнің түкпір-түкпірінен келетін туристерді қызықтырып келеді.

Сфера ұдайы түрде баламалы энергия көзі саласындағы қызықты экспонаттармен толық­тырылып отырады: ғимаратта су жаңа интерактивті ойын алаң­­дары, «ақылды қала» про­тотиптері, экологиялық машина құрастыру саласындағы соңғы үлгідегі құрылғылар бар.

Сфера контентінің бай спектрі оған туристік орын ретінде ғана емес, республикамыздың білімі мен ғылымын дамытуға арналған база ретінде де сипат береді. Он­мыңдаған оқушылар осы уақытқа дейін «Kids & Student Future Energy» бағдарламасының аясында Сферада өткен 100-ден астам ашық сабаққа қатысып үлгерді.

«Нұр Әлем» Сферасында әр­түрлі курстар, шеберлік сағат­тар, тренингтер, лекциялар, семинар­лар мен өзге де шараларды өт­кізу үшін үлкен ыңғайлы дәріс залы ашылған. Нысанның дыбыс және жобалық құрылғылармен жаб­дықталуы жемісті еңбек үшін, шығармашылық пен пікір алмасу үшін қажетті жағдай жа­саған.

Бір жылға есейген кешен

ЭКСПО кешені бұрынғыдай елорда тұрғындары мен қонақ­тары үшін сүйікті орын болып қала береді. Көрме кешенінде автотұрақ, мейрамханалар мен дәмханалар әлі жұмыс істеп тұр, балаларға арналған тамаша ойын алаңы бар, ал қыста қа­­лыптасқан дәстүр бойынша ЭКСПО аумағында тағы да мұз қалашық, сырғанақ пен Жаңа жылдық шырша ашылады.

Бірақ, қазір көрме аяқтал­ғаннан кейінгі бір жылдан соң, серпінді жобалар мен жаңа нысандар ашылған соң, ЭКСПО аумағы іскерлік ортаның жаһан­дық кешені ретінде эволюция жа­сады, сол арқылы ел эко­но­микасындағы, мәдениеті мен ғы­лыми-техникалық прогре­сіндегі жаңа жетістіктердің орта­лығына айналды.

Бүгінде ЭКСПО – бірыңғай сәулеті бар бір кешенге іскерлік, ойын-сауықтық және көрмелік жобаларды біріктіріп отырған біз­­дің замандағы ең ауқымды және инновациялық кластердің бірі. ЭКСПО кешенін аралау бір ша­ғын қалаға саяхат жасаумен тең, ал ондағы «Нұр Әлем» Сферасы іскерлік, туристік және демалатын орынның бір бөлігі ғана.
Көрме кешенінің қайта жаң­ғыруы, ЭКСПО-ның мойындалып, жаңа келбетінің ерен жетіс­тік­ке жетуі – «EXPO-2017 нысандарын көрмеден кейін де пайдалану керек» деген Мемлекет басшысының көрегендігін уақы­тынан бұрын дәлелдеп отыр.

Ажар ИСМАЙЛОВА

Астана

СОҢҒЫ ЖАҢАЛЫҚТАР

24.01.2019

Қостанайда Ақылбек Шаяхметтің шығар­ма­шы­лық кеші өтті

24.01.2019

Астанада британдық қаламгер Ник Филдингпен кездесу өтті

24.01.2019

Сексен деген сеңгірге шығып жатқан Кәмел Жүністегі туралы үзік сыр

24.01.2019

Береке белсендіге бітеді

24.01.2019

Алғашқы қысқы ҰБТ қорытын­дылары шықты

24.01.2019

Маңызды заң жобалары мақұлданды

24.01.2019

ҚХА «Жаңғыру жолы» республикалық жастар қозғалысының үндеуі

24.01.2019

Жалындаған жастардың жарқын жобалары

23.01.2019

Шекара бұзған азамат қаза тапты

23.01.2019

Елбасының Жастар жылының салтанатты ашылуында сөйлеген сөзі

23.01.2019

Мәулен Әшімбаев: Жастар жылында науқаншылдыққа жол бермеуіміз қажет

23.01.2019

Түркістанда «Орта Азия жастарының форумын» өткізу жоспарлануда

23.01.2019

«Жастар жылы» жамбылдық жастарға мол мүмкіндік береді

23.01.2019

Қаржы және бюджет комитетінің Заң жобаларын талқылау бойынша отырысы өтті

23.01.2019

Мәжіліс сот жүйесі мен судьялар мәртебесі туралы конституциялық түзетулерді мақұлдады

23.01.2019

Алматы облысында 1332 әйел онкологиялық есепте тұр

23.01.2019

Сенаторлар Жастар жылын қолдауға бағытталған жұмыстарға кірісті

23.01.2019

Еурокомиссия MasterCard-қа айыппұл салды

23.01.2019

Жылқының қозғалыс аллюры: Аяң түрлері

23.01.2019

Юлия Тимошенко Украина президенті сайлауына қатысатынын мәлімдеді

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу