Сондықтан бұл – қазіргі және болашақта жұмыс пен кәсіби өсудің маңызды мүмкіндіктерін ұсынатын сала. Бірақ адамдардың өмір сүру сапасын жақсартатын жаңа тұжырымдардың ашылуы, көп жағдайда, жоғары білікті және дайындалған мамандар жүргізетін зерттеу жұмыстарына байланысты.
Сол себепті мен 2015 жылдан бері наноқұрылымды темірі бар материалдарды су ортасын тазарту және биомедицинада катализаторлардың негізі ретінде қолдануды зерттеумен айналысамын.
Зерттеудің негізінен су ортасын органикалық бояғыштардан немесе ауыр металдардан тазарту үшін катализатор ретінде пайдаланылатын магниттік нанобөлшектерді алудың технологиялық шешімдеріне бағытталған. Оларды зиянсыз компоненттерге ыдырату немесе сіңіру жолдары қарастырылып отыр.
Қазіргі уақытта диссертациялық жұмысыма мықтап кірістім. Нақтырақ айтсам, практикалық қолдану үшін құрамында металы бар нанобөлшектердің ZnO легирлеуінің әсері туралы зерттеу жүргізу үстіндемін. Технология құрамында темірі бар нанобөлшектерді су ортасын органикалық бояғыштардан немесе олардың магниттік қасиеттерін пайдалана отырып, ауыр металдардан тазартудың мүмкіндіктерін қарастырудамын. Яғни марганец нанобөлшектердің бетіне адсорбцияланады, содан кейін бұл нанобөлшектерді кейінірек жартылай өнеркәсіптік немесе өнеркәсіптік масштабта қолдануға болатын магниттер түзіледі. Биомедицинада бұл нанобөлшектер магниттік гипертермияда және МРТ-да контраст агенті ретінде қолданылады. Сонымен қатар құрамында темірі бар нанобөлшектердің магниттік қасиеттері дәріні мақсатты түрде жеткізуде де пайдаланады.
Бұған қоса тазарту саласында жоғары тиімділігі бар шпинель тәрізді құрылымы бар церий мен гадолиний қосылған темірі бар нанобөлшектерді алу әдісін ойлап тапқанымды айта кетейін. Сондай-ақ синтез жағдайларына байланысты синтезделген нанобөлшектердегі құрылымдық ерекшеліктер мен фазалық өзгерістерге іргелі зерттеулер жүргіземін. Сонымен қатар 2021 жылы еліміздің ғылыми университеттері арасында студенттердің үздік ғылыми-зерттеу жұмысы үшін I дәрежелі дипломымен марапатталымды мақтаныш санаймын.
Камила ЕГІЗБЕК,
Мемлекеттік «Дарын» жастар сыйлығының лауреаты, магистрант
