Жаңа автобустар жүйткиді

Ақтау қаласының клима­тына сай жасақталған авто­бустарда барлық жағдай қа­рас­тырылған. Онда желдет­кіш, бейнебақылау және мү­ге­дектігі бар адамдарға ар­нал­ған аппарель (пандус) мен GPS жүйесі қамтылған. Жаңа автобустардың бір ерек­шелігі – метан жағармай қозғалт­қыштарымен жүреді. Бұл зиянды элементтер бө­­летін ескі автобустарды алмас­тыру арқылы эколо­гиялық тұрақтылықтың сақ­талуына септігін тигізбек.

Осыған орай алғашқы метан газ құю стансасы да іске қосылды. Су жаңа автобустарды экологиялық отынмен қамтамасыз ету үшін ашылған станса «Каспий автопарк» ЖШС технопаркінің аума­ғында орналасқан. Онда газ құю бекетімен бірге, автобус маршруттарын бақы­лауға, қоғамдық көлік­тегі бей­небақылау жазбаларын көруге мүмкіндік беретін диспет­черлік бөлме бар.

Автобустарды сатып алу­ға, метан жағармай құю стансасын іске қосуға об­лыстық және қалалық әкім­діктердің қолдауымен «Каспий автопарк» ЖШС және «Каспий ӘКК» ин­вестициялық жобасы шең­берінде жүзеге асырылды. Маңғыстау облысы бо­йынша жолаушылар тасымалын қоғамдық көлік­пен қамтамасыз етуде қауіп­сіздік пен сапалы қызмет көрсету, сондай-ақ өңірдің автобустар паркін жаңарту мақсатында 460 жаңа жұ­мыс орнын құру межеленген. Осы мақсатқа жету үшін жыл соңына дейін «QazTehna» ЖШС отандық өнді­рушісінен «Өнеркәсіпті дамыту қоры» АҚ лизингтік қаржыландыру негізінде метан қозғалтқыштары бар тағы да 120 жаңа автобус сатып алуды жоспарлаған.

«2020-2022 жылдар ара­лы­ғында облысымызда бір­қатар бағыттағы автобус­тар жаңар­ты­лып, су жаңа отандық 46 жаңа автобус ел игілігіне берілді. Бүгінде алғашқы метан газ құю стансасының ашылуы да – үлкен жаңалық. Маңғыстау облысында сұйытылған газды тұтыну еліміз бойынша жо­ғары көрсеткіштерге ие. Ал метан отынын пайдалану сұйытылған газға жүктемені азай­туға мүмкіндік бере­тініне сенімдімін. Біздің мақсатымыз – Маңғыстау облысында жолау­шыларды қоғамдық көлік­­пен тасымалдау бойынша қауіп­­сіз, қолайлы әрі сапалы қыз­меттерді қамтамасыз ету. Сон­дай-ақ автобустарды кү­ту уақытын қысқарту және жолаушылар тасымалы нарығына жаңа сапалы көлік­тер ұсыну», деді облыс әкімі Нұрлан Ноғаев.

Маңғыстау облысы