ПАВЛОДАР. 25 мамыр. Павлодарда бес көлік соқтығысып, 1 адам қаза тапты. Бұл туралы облыстық ішкі істер департаментінің баспасөз қызметіне сілтеме жасаған egemen.kz тілшісі хабарлады.
Оқиға кеше, яғни 24 мамыр күні, жергілікті уақыт бойынша сағат 21:00-де орын алды. Chevrolet Aveo маркалы көлік мінген адам жол ережесін сақтамай, қарсы бетке шығып кеткен. Осыдан кейін барып, Mitsubishi Montero Sport, Toyota Gaia, Toyota Chaizer және Peugeot 308 көліктеріне соқтығысты.
Жол-көлік оқиғасынан Chevrolet Aveo автомобилінің жүргізушісі қаза тапты. Ал қалғандары зардап шеккен жоқ. Қазіргі таңда аталған көлік айыппұл тұрағына қойылды.
Осыған байланысты Қылмыстық кодекстің 345 бабы бойынша сот алдындағы тергеу амалдары өткізілуде, сот-медициналық сараптама тағайындалды.
Фарида Бықай.
Дерек: Павлодар облысы ішкі істер департаментінің баспасөз қызметі.
Фото: inform.kz.