[caption id="attachment_50575" align="aligncenter" width="560"] Фото: 24.kz[/caption]
Мексикада қазақстандық боксшы Геннадий Головкинге WBC әлем чемпионы белдігі табысталады. 24.kz-тің мәліметі бойынша, бұл туралы өзінің Twitter парақшасында GGG промоутері Том Леффлер хабарлады.
«10 қыркүйекте өтетін GGG мен Келл Брук жекпе-жегі болатындығы жарияланған соң, WBC әлем чемпионы белдігін ресми алу үшін GGG бүгін Мехико қаласына ұшады», деп жазды ол өзінің аккаунтында.
Айта кетейік, Геннадий Головкин мен Келл Брук айқасы 10 қыркүйек күні Лондон қаласында өтеді. Ал билеттер келесі аптадан бастап сатылады. Мәліметтерге сәйкес, билеттер құны сатылым жақындағанда белгілі болады.
Аян ӘБДУӘЛИ