Алматыда 16 шілде күні қазақстандық белгілі композитор, музыкант Еркеш Шәкеевтің 1991 жылы туған ұлы Сафар Шәкеев жоғалып кетті.
Tengrinews.kz-тің хабарлауынша, оны жұрт соңғы рет «Казкоммерцбанктің» Әл-Фараби даңғылы бойындағы орталық бөлімшесі жанында таңғы сағат 7:00-де көрген.
Сафар Шәкеев үстіне күлгін түсті футболка мен көк джинсы киген.
Енді ол жөніндегі барлық ақпараттарды 8 (747) 626−48−54, 8 (701) 787−88−87, 8 (775) 478−87−71 телефондарына хабарлау сұралып жатыр. Бұл үшін сыйақы беріледі.
Еркеш Шәкеев – қазақстандық белгілі композитор, өлеңдерге мәтін жазушы ақын және автор-орындаушы. Оның әндері қазақстандық және ресейлік артистердің репертуарларына енген. Олардың арасында «А-Студио» тобы, «Мюзикола» дуэті, «L» дуэті, «Восток» тобы және Нағима Есқалиева, Ани Лорак, Анита Цой секілді бірқатар әншілер бар.
Мұрат АЙТҚОЖА