[caption id="attachment_51733" align="aligncenter" width="560"] Фото: vk.com[/caption]
Футболдан Қазақстан премьер-лигасының 21-турында «Тараз» сырт алаңда «Ордабасы» командасымен кездесті.
«Ордабасы» (Шымкент) – «Тараз» (Тараз) 0:3 (0:3)
Қажымұқан Мұңайтпасов атындағы стадион.
Төреші: Болат Қарлыбаев.
«Ордабасы»: Сергей Бойченко, Ренат Абдулин (Доминик Чатто 46 ), Темірлан Ерланов, Бақдәулет Қожабаев (Мардан Төлебек 46), Мұхтар Мұхтаров, Александр Симчевич, Александр Гейнрих (Филипп Касалица 46), Гогита Гогуа, Абдуллаи Диакате, Еркебұлан Тұңғышбаев, Отар Марцваладзе
«Тараз»: Кирилл Короткевич, Илья Воротников, Александр Киров, Йоан Мера, Давронжон Эргашев, Тарас Танилюк, Алишер Сүлей, Андрей Яковлев (Мақсат Әмірханов 88), Малик Мане (Мадияр Нұралы 76), Александр Пищур (Дмитрий Евстигнеев 68), Дәуренбек Тәжімбетов
Голдар: Андрей Яковлев 4, Алишер Сүлей 13, 40.
Ескерту алғандар: Мардан Төлебек 70 – Андрей Яковлев 76, Дмитрий Евстигнеев 92.
«Тараз» осымен қатарынан төртінші ойында жеңіске жетіп отыр. Шымкентте өткен кездесуде үш голдың бәрі алғашқы таймда соғылды.
Қонақтар ойын бастала сала бірден шабуылға көшіп, нәтижесінде 4-минутта есеп ашып үлгерді. Алишер Сулейдің берген пасын тиімді пайдаланған Андрей Яковлев өз командасын алға шығарды. Мұнымен тоқтамаған олар 13-минутта екінші допты соқты. Бұл ретте Алишер Сүлей мергендігімен көзге түсе білді. Ал 40-минутта ол дубль иесі атанып, «Тараздың» кезекті жеңісіне жетуіне көмегін тигізді.
Аян ӘБДУӘЛИ