Қазақстан Республикасы Білім және ғылым министрлігінің бұйрығы №5

2011 жылғы 10 қаңтар, Астана қаласы 2011 жылы Қазақстан Республикасының орта білім беру ұйымдарында мемлекеттік аралық бақылауды өткізу туралы «Білім туралы» Қазақстан Республикасының Заңына және Қа­зақ­стан Республикасы Білім және ғылым министрі міндетін ат­қарушының 2007 жылғы 20 қарашадағы № 561 бұйрығымен бекітілген Қазақстан Республикасының білім беру ұйымдарында мемлекеттік аралық бақылауды өткізу ережесіне (Нормативтік құ­қық­тық актілерді мемлекеттік тіркеу тізілімінде №5033 тіркелген, «Заң газеті» газетінде 2008 жылы 11 қаңтарда №4 (1230) жа­рияланған) сәйкес, білім беру қызметтерін көрсету сапасын баға­лау және орта білім беретін ұйымдар білім алушыларының бас­тауыш және негізгі орта білім берудің жалпы білім беретін оқу бағдарламаларын меңгеру деңгейін анықтау мақсатында бұйырамын: 1. Қоса беріліп отырған Қазақстан Республикасының орта білім беру ұйымдарында мемлекеттік аралық бақылауды өткізу кестесі (бұдан әрі – кесте) бекітілсін. 2. Білім және ғылым саласындағы бақылау комитеті (бұдан әрі – Комитет) (М.Қ. Байжұманов): 1) Қазақстан Республикасының орта білім беру ұйымдарында мемлекеттік аралық бақылауды (бұдан әрі – МАБ) 2011 жылғы 20 ақпан мен 20 наурыз аралығында кестеге сәйкес өткізсін; 2) осы бұйрықтың белгіленген тәртіппен Қазақстан Республикасы Әділет министрлігінде мемлекеттік тіркелуін қамтамасыз етсін; 3) мемлекеттік тіркеуден өткеннен кейін осы бұйрықты бұқаралық ақпарат құралдарында жарияласын. 3. Ұлттық тестілеу орталығы (Қ.С. Әбдиев): 1) осы бұйрықта белгіленген мерзімде МАБ рәсімін ұйымдастыру- технологиялық алып жүруді қамтамасыз етсін; 2) МАБ басталғанға дейін екі күн бұрын облыстардың, Астана және Алматы қалаларының білім басқармаларына МАБ-тың материалдарын жеткізуді ұйымдастырсын; 3) МАБ нәтижелерін өңдеуді 2011 жылғы 15 сәуірге дейін аяқтасын және Комитет пен Білім сапасын бағалаудың ұлттық орталығына ұсынсын. 4. Білім сапасын бағалаудың ұлттық орталығы (Т.М.Әмреева) орта білім беру ұйымдарындағы МАБ қорытындысының тал­дауын Комитетке 2011 жылғы 15 мамырға дейін ұсынсын. 5. Облыстардың, Астана және Алматы қалаларының білім басқармалары: 2) МАБ-ты өткізу кезеңдерінде облыстардың, Астана және Алматы қалаларының білім басқармаларының базаларында МАБ-ты үйлестіру және өткізу штабының жұмысын ұйым­дастырсын; 3) әрбір орта білім беру ұйымында 2011 жылғы 20 қаңтарға дейін МАБ-ты өткізу жөніндегі мемлекеттік комиссиялардың құрамдарын бекітсін. 6. Осы бұйрықтың орындалуын бақылау Білім және ғылым вице-министрі С. Ырсалиевке жүктелсін. 7. Осы бұйрық алғаш рет ресми жариялаған күннен бастап он күнтізбелік күн өткен соң қолданысқа енгізіледі. Министрдің міндетін атқарушы Б.ӘБДІРӘСІЛОВ. Қазақстан Республикасы  Білім және ғылым министрінің 2010 жылғы 10 қаңтар  №5 бұйрықпен бекітілген Қазақстан Республикасының орта білім беру ұйымдарында мемлекеттік аралық бақылауды өткізу кестесі № Қалалар және облыстар Ұйымдастыру және өткізу мерзімі Тестілеу күні 1 Астана қаласы 23.02-26.02 24 ақпан 2 Ақмола облысы 23.02-26.02 24 ақпан 3 Батыс Қазақстан облысы 20.02-27.02 24 ақпан 4 Ақтөбе облысы 21.02-27.02 24 ақпан 5 Атырау облысы 20.02-27.02 24 ақпан 6 Маңғыстау облысы 20.02-27.02 24 ақпан 7 Қарағанды облысы 09.03-13.03 11 наурыз 8 Солтүстік Қазақстан облысы 09.03-13.03 11 наурыз 9 Қостанай облысы 09.03-13.03 11 наурыз 10 Павлодар облысы 09.03-13.03 11 наурыз 11 Оңтүстік Қазақстан облысы 15.03 - 20.03 18 наурыз 12 Жамбыл облысы 15.03 - 20.03 18 наурыз 13 Қызылорда облысы 15.03 - 20.03 18 наурыз 14 Алматы қаласы 15.03 - 20.03 18 наурыз 15 Алматы облысы 14.03 - 20.03 18 наурыз 16 Шығыс Қазақстан облысы 15.03 - 20.03 18 наурыз Бұйрық Қазақстан Республикасының Әділет министрлігінде 2011 жылғы 18 қаңтарда Нормативтік құқықтық кесімдерді мемлекеттік тіркеудің тізіліміне №6747 болып енгізілді.