Ұлттық қауіпсіздік комитетінің қызметкерлері Алматы облысында арнайы операция жүргізіп, еліміз аумағында террористік актілер сериясын ұйымдастыруды жоспарлаған радикалды топтың 4 мүшесін қолға түсірді, деп хабарлады аталмыш комитеттің баспасөз қызметіне сілтеме жасаған kaztrk.kz
Күдіктілер Қазақстан мен Қырғызстан азаматтары болып шықты. Олар тұрып жатқан жерден жарылғыш заттар жасауға арналған құрылғылар мен діни-экстремистік бағыттағы материалдар табылған.
Дереккөздің мәліметінше, күдіктілердің Ұлттық қауіпсіздік комитетіне, полиция және әскери бөлімше қызметкерлеріне қарулы шабуыл жасау жоспарларының жолы кесілген. Олар сондай-ақ халық көп шоғырланатын жерлерде де түрлі жарылыстар ұйымдастыруды жоспарлаған көрінеді.
Қазіргі таңда осы іс бойынша, тергеу және жедел-іздестіру іс-шаралары жүріп жатыр.
Айдар ӨРІСБАЕВ