Ішкі істер министрі Қалмұхамбет Қасымовтың бұйрығымен Атырау облыстық ішкі істер департаментінің басшысы лауазымына полиция полковнигі Аян Дүйсембаев тағайындалды. Министрдің орынбасары полиция генерал-майоры Ерлан Тұрғымбаев жаңа басшыны жеке құрамға таныстырды.
Аян Дүйсембаев –Атырау облысының тумасы, әл-Фараби атындағы ҚазҰУ-дің түлегі. Әр жылдары Алматы және Астана қалалық ішкі істер департаменттерінде басқарма, сондай-ақ, ІІМ-де департамент басшысы болған. Соңғы 4 жылдан бері Атырау облыстық ішкі істер департаменті басшысының бірінші орынбасары болып істеді.
Ішкі істер департаменті баспасөз қызметінің хабарлауынша, бұрынғы басшы полиция генерал-майоры Арман Жалмұханбетов ІІМ-нің кадрлық резервіне алынды.
Жолдасбек ШӨПЕҒҰЛ