АҚШ палатасының Еуропа, Еуразия және жаңа қауіптер жөніндегі комитетінің төрағасы, республикалық конгресмен Дейна Рорабейкер Қазақстанда өткен «Ядролық қарусыз әлем құру» конференциясына қатысты мәлімдеме жасады:
«Бүкіл әлемнен техника мамандары мен саяси басшылар «Ядролық қарусыз әлем құру» мақсатында Астанадағы халықаралық конференцияда бас қосты. Соңғы 25 жылда АҚШ пен Қазақстан үкіметтері ядролық материал қауіпсіздігі мен қырғи-қабақ соғыс заманының ядролық бедсенділігінің салдарын азайту ісіндегі табысты ынтымақтастықтың жемісін көруде. Мемлекеттеріміздің бірлескен жұмысы өңірлік тұрақтылық пен халықаралық қауіпсіздікті арттыру ісіне өз үлесін қосты.
Конференцияның өткізілу күні БҰҰ-ның Ядролық сынақтарға қарсы іс-қимылдың халықаралық күнімен сәйкес келетіні заңды. Мен Қазақстан халқының ядролық қарусыздануға деген бұлжымас сенімділігін және ел үкіметінің бұл саладағы дәйекті іс-қимылын жоғары бағалаймын. Мен конференцияға сәттілік тілеймін.