Колумбияда өтіп жатқан футзалдан 2016 жылғы әлем чемпионатының екінші матчында Қазақстан құрамасы Коста-Риканы 3:1 есебімен ұтып кетті.
Ойынның алғашқы минутында Дуглас қарсыластарының қақпасына әдемі гол салды. Алайда, 15-ші минутында Алехандро Паньягуа есепті теңестіріп кетті. Ал 1-ші тайм соңында Павел Таку тағы бір гол соқты.
Ойынның екінші жартысы басталғанда қазақстандықтар айып добын орындап, таблодағы есепті 1:3 жеткізді. Голдың авторы Лео.
Қазақстан құрамасы келесі кездесуін 19 қыркүйек күні Астана уақытымен 03:00-де Соломон аралдарына қарсы өткізеді. Мачты «Қазақстан» телеарнасы тікелей эфирден көрсетеді.
Коста-Рика - Қазақстан 1:3 (1:2)
Голдар: Дуглас 1 (0:1), Паньягуа 15 (1:1), Таку 16 (1:2), Лео 21 (1:3)
Егемен-ақпарат