Оңтүстік Қазақстан облысында ірі жол-көлік оқиғасы орын алды. Салдарынан 6 адам қаза тауып, 15 жолаушы түрлі дене жарақатымен ауруханаға жеткізілді.
Жол апаты Алматы-Ташкент тасжолының бойындағы Қазығұрт ауданының маңында болған. Куәгерлердің айтуынша, «Форд-транзит» маркалы жолаушылар тасымалдайтын шағын автобус пен «Тойота» көлігі соқтығысқан.
Қазіргі таңда полицейлер оқиғаның анық-қанығын зерттеуде. Алдын ала болжам бойынша, шағын автобус қарама-қарсы бағытқа шығып кеткен болуы мүмкін. Қаза тапқандардың ішінде 2013 жылы туған бүлдіршін бар.
Талғат РАЙЫМБЕК