Қарағандыда 22 жастағы Вероника Коняева есімді қыз үйінен 19 қыркүйек күні шығып, әлі күнге дейін қайтып келмеген. Анасы Татьяна Коняеваның айтуынша, Вероника біраз уақыттан бері жалақысы жоғары жұмыс іздеп жүрген. Ол Вероника мен оның туған-туыстары арасында ешбір кикілжің болмағанын айтады.
Қарағандылық қыз әлеуметтік желілер арқылы да іздестіріліп жатыр. Сонымен қатар, қыздың жоғалғандығы туралы хабарландырулар аялдамалар мен қоғамдық көліктерге де жапсырылған.
«Қыздың анасы арыз түсірді. Іздеп жатырмыз. Әзірге нәтиже жоқ», деп хабарлады Қарағанды облыстық ІІД баспасөз қызметі.
Қайрат Әбілдинов