Кеше Үкімет үйінде Қазақстан Премьер-Министрі Бақытжан Сағынтаев Мажарстанның Экономика министрі Михай Варгамен кездесті, деп хабарлады Премьер-Министрдің ресми сайты.
Кездесу барысында Қазақстан мен Мажарстан арасындағы сауда-экономикалық ынтымақтастық, мұнай-газ және ауыл шаруашылығы, фармацевтика, көлік, құрылыс, атом және автокөлік өнеркәсібі, туризм, сондай-ақ қоршаған ортаны қорғау салаларындағы өзара іс-қимылды нығайту перспективалары талқыланды.