Мемлекет Басшысының Жарлығымен Дархан Аманұлы Кәлетаев Қазақстан Республикасы Парламенті Сенатының депутаты болып тағайындалды. Бұл туралы Ақорданың баспасөз қызметі хабарлады.
Д.Кәлетаев 2003 - 2008 жылдар аралығында Президент Әкімшілігінде жауапты қызметтер атқарды. 2008 жылдың қазан айында «Нұр Отан» партиясы Төрағасының бірінші орынбасары болып тағайындалды. 2009 жылдан бастап бүгінге дейін «Самұрық-Қазына» Ұлттық әл-ауқат қорында басқарушы директор қызметтерінде болды.