Үкімет үйінде Қазақстан Республикасының Премьер-Министрі Бақытжан Сағынтаев «Қазақстанның Шетел инвесторлары кеңесі» қауымдастығы (ҚШИКҚ) басқармасының төрағасы, «Дойче Банк» АҚ-тың Қазақстандағы өкілдігінің басшысы У.Вокурка бастаған «Қазақстанның Шетел инвесторлары кеңесі» қауымдастығы Басқармасының мүшелерімен кездесу өткізді.
Кездесу барысында қатысушылар инвестициялық ахуалды одан әрі жақсарту, сондай-ақ Мемлекет басшысының төрағалығымен өтетін Шетел инвесторлары кеңесінің алдағы пленарлық отырысына дайындық мәселелерін қарастырды, деп хабарлады Премьер-Министрдің баспасөз қызметі.