Астана, бірінші кезекте, сирияаралық келіссөздерге қатысушы тараптардың нақты ұстанымдарын талқылау үшін таптырмас орын ретінде ұсынылып отыр және іс жүзінде тараптардың белгілі бір шешімдерге қол жеткізу үшін ерік-жігерлерін көрсетулері мен соған дайын екендіктерін білдірулеріне берілетін үлкен мүмкіндік алаңы болып табылады. Астана процесі Женева пішімінің динамикасын белгілі бір деңгейде жақсартатыны қазірдің өзінде айқын болып отыр.
Бұл келіссөздердің бастамашылары Ресей және Түркия президенттері болғанын да біз жақсы білеміз. Олар біздің Президентімізге Астананы келіссөздер алаңы ретінде беру туралы ұсыныспен қайырылған болатын.
Астана баршаға өзінің бітімгершілік күш-жігерімен танымал болып үлгерсе, соңғы жылдары оның түрлі жанжалдарды реттеудегі рөлі күшейе түскені айқын. Сонымен бір мезгілде, Қазақстанның БҰҰ Қауіпсіздік Кеңесінің тұрақты емес мүшесі ретіндегі қазіргі мәртебесі Астананы әлемдік ауқымдағы және маңыздағы оқиғаларға белсенді қатысуға итермелейді.
Нұрсұлтан АХМЕДИЯ,
«Парасат» жүйелі зерттеулер институтының директоры