Алматы қаласында XXVIII Бүкiләлемдiк қысқы Универсиаданың ашылу рәсімі өтіп жатыр. Шараға Қазақстан Президентi Нұрсұлтан Назарбаев қатысып отыр.
Универсиаданың ашылу салтанатында халқымыздың өткені мен салт-дәстүрi жайлы қойылым қойылды. «Алматы Арена» мұз айдынында қазақтың суырып салма ақындары арнау айтып, ат құлағында ойнаған шабандоздар туымызды желбiретiп, алып өттi. Ашылу салтанаты әлемнiң 80-нен астам елiнде көрсетiлiп жатыр.
Айта кетейік, Қазақстан атынан спорттың 12 түрінен 175 спортшы қатысады. 10 күнде 85 медаль сарапқа салынады. Мәліметтерге сәйкес, бұл – қысқы Универсиада тарихындағы рекордтық көрсеткіш.