Жаңа анықтама беретін уақыт

Кеше Ақордада Мемлекет басшысы Нұрсұлтан Назарбаев ЕҚЫҰ Парламенттік Ассамблеясының Бас хатшысы Роберт Спенсер Оливерді және ЕҚЫҰ Парламенттік Ассам­блея­сы делегациясының басшысы – ЕҚЫҰ-ның қысқа мерзімді байқаушыларының Арнайы үйлестірушісі Тонино Пи­цуланы қабылдады, деп хабарлады Қазақстан Респуб­ли­ка­сы Президентінің баспасөз қызметі. Әңгіме барысында Қазақ­стан­да өтетін алдағы президенттік сайлаудың мәселесі талқы­ланды. – Сізді Қазақстанның ЕҚЫҰ-ға төрағалығының мазмұнды бағдарламасының толық табыс­ты өтуімен құттықтағым келеді. Мен бұл мәселені Венада біздің соңғы сессиямызда көтерген едім. Бұл – өте маңызды іс-шара. Сондықтан жетпісінші жылдан бері, бұрынғы КСРО-ның құ­рамын­да болған бір ғана ел, әлемдегі ең ірі ұйымды толық­қан­ды басқарды. ЕҚЫҰ – көлемі бойынша БҰҰ-дан кейінгі екінші халықаралық ұйым және қауіп­сіздік мәселелерімен айна­лы­сатын әлемдегі ең үлкен ұйым. Бұрындары біз ЕҚЫҰ-ны «Шығыстан Венаға дейін, Венадан Батысқа дейін» деп жиі айтып келдік. Бүгінде ЕҚЫҰ-ға «Астана Саммитіне дейін және Астана Саммитінен кейін» деп, уақыттың өлшемі бойынша жаңа анықтама беретін уақыт келді. Бұл қозғалысқа Қазақстан және Сіз басшылық жасадыңыздар, – деп атап өтті кездесуде Т.Пицула. – Мен көптеген сайлауды байқауға қатыстым. Солардың алғашқысы 1994 жылы Қазақ­станда өткен сайлау еді. Содан бері мен сіздердің республика­ларыңыздан үнемі өрлеу көре­мін, – деді кездесуде Р. Оливер. – Біз Парламенттік Ассам­блея­ның біздің ЕҚЫҰ-ға төраға­лық етуіміздегі және ЕҚЫҰ Саммитін Астанада өткізуімізді қолдаудағы рөлін жоғары бағалаймыз. Біз төрағалық кезінде үлкен істер атқардық, саммитті өткізу және декларацияны қа­былдау үшін де көптеген жұмыс­тар жасалды. Он бір жыл бойы мемлекет басшылары деңгейінде бас қоспай келген ЕҚЫҰ-ның қызметін жандандыруға жаңаша серпін бердік деп санаймын, – деп атап көрсетті Мемлекет басшысы. – Біз алдағы кезектен тыс президенттік сайлау халық­ара­лық стандарттарға сәйкес өте­ті­ніне сенімдіміз, – деді кездесуден кейін журналистерге арнал­ған брифинг барысында ЕҚЫҰ Парламенттік Ассамблеясы де­ле­гациясының басшысы Т.Пицула. Бұдан бұрын хабарланғанын­дай, биылғы жылғы 3 наурызда «Нұр Отан» ХДП Орталық аппаратында болғанында, Президент белсенді сайлауалды үгіт-насихат жұмыстарын жүр­гіз­бейтінін, ал мемлекеттік саясат­ты іске асыруда өзекті мәселе­лермен айналысатынын атап өт­кен болатын. Нұрсұлтан Назарбаев сондай-ақ сайлауалды ке­зең­де қолданыстағы заңнаманы қатаң сақтау қажеттігін атап өт­кен. Мемлекет басшысы барлық деңгейдегі әкімдердің назарын сайлау заңнамасын сақтау қа­жет­тігіне аударған. Барлық мемлекеттік билік органдары сайлау науқанының барысына араласпай, тек өз істерімен шұғыл­данулары керек. Президент Бас прокуратураға заңнаманың сақ­та­луын қадағалауды қамтамасыз етуді, сайлау туралы заңнама­ның бұзылғандығы жайлы ша­ғымдар мен өзге өтініштер тура­лы деректерге жедел назар са­лып, қандай да бір құқық бұзу­шы­лық деректері орын алған жағдайда оны тез арада жойып, бұл ретте принциптілік таны­тулары қажеттігі туралы тап­сыр­ма берген. Мемлекет бас­шы­сы сайлауға бақылау жасау және қоғамдық бақылауды қамта­ма­сыз ету қажеттігін атап көрсет­кен.