Еліміздегі ең байырғы мерзімдік басылымдардың бірі – Батыс Қазақстан облыстық «Орал өңірі» және «Приуралье» газеттері биыл шыға бастағанына 100 жыл толуына орай студенттер мен магистранттар арасында байқау жарияламақ.
Бұл байқаудың басты мақсаты – журналистика, филология және тарих факультеттері студенттері мен магистранттары арасында қазақ баспасөзінің даму тарихы тақырыбын насихаттау. Қазақстанның батыс өңірінде шыққан басылымдардың даму жолын, баспасөз бастауында тұрған тұлғалардың өмір жолы мен қызметін студенттердің курстық, дипломдық және магистрлік зерттеу жұмыстары тақырыбына айналдыруға ықпал ету болмақ.
Сондай-ақ, ақын Қайрат Жұмағалиевтің шығармашылығына арналған республикалық «Нарын құмын аңсаған Қайрат ақын» атты ақындар мүшәйрасы да талантты жастардың шығармашылық ізденісін арттырып, ақындардың шеберлігін шыңдап, қаламын ұштай түсетіні анық.
Ал Медет Досымовты еске алуға арналған фотобайқау осы өнерге ықыласы зор оқырмандардың назарын аударып, ынталандыра түседі деген ойдамыз.