2016/2017 жылғы маусымдағы Чемпиондар лигасының плей-офф кезеңі мен финалының ресми добы таныстырылды. Бұл туралы УЕФА туиттер желісіндегі парақшасында хабарлады.
«Finale Cardiff» деген атауға ие болған допты «Аdidas» компаниясы дайындап шығарған. Бұл доппен командалар плей-офф кезеңдері мен финалда ойнайтын болады. Дизайны Уэльс елінің ұлттық танымбелгісі айдаһар суретімен бейнеленген.
Айта кетейік, осы маусымдағы Чемпиондар лигасының финалы 3 маусым күні Кардифф қаласында өтеді. Ертең плей-офф ойындары басталады.