Қазақстандық теннисші Юлия Путинцева Дохада өтіп жатқан WTA «Qatar Total Open» турнирін жеңіспен бастады.
Жарыстың алғашқы айналымында отандасымыз швейцариялық Тимея Бачинскимен кездесті. Бірінші сетте қазақстандық теннисші 6:1 есебімен басым түсті. 24 жастағы Бачински жарақатына байланысты кездесуді ары қарай жалғастыра алмады.
Айта кетейік, швейцариялық теннисші қыздар арасында әлемдік рейтингте 15-орында келеді. Ал отандасымыз Путинцева – 27 орында.
«Qatar Total Open» турнирінің келесі турында қазақстандық теннисші Лаура Зигмундты жеңген Моника Пуигпен кездеседі.