Алматы қаласында автобус жанып кетті, деп хабарлады қаланың төтенше жағдайлар қызметі.
Оқыс оқиға Рысқұлов даңғылы мен Розовая көшесінің қиылысында болды. Өрт туралы хабарлама сағат 06:52-де келіп түскен.
«Өрт сөндірушілер оқиға орнына сағат 06:59-да келді. Олар келгенде «Daewoo BS-90» маркалы автобус лаулап жанып жатты», - деп хабарлады Алматы қаласының төтенше жағдайлар департаментінің ресми өкілі Сандуғаш Баймұхамбетова. Қызыл жалын сағат 07:11-де сөндірілді. Қаза тапқандар мен зардап шеккендер жоқ.