Зимбабведе соңғы үш ай ішінде толассыз жауған жаңбыр соңы су тасқынына ұласып, салдарынан бүгінге дейін 250-ге жуық адам опат болды. Бұл туралы Associated Press агенттігі хабарлады.
2016 жылдың желтоқсан айынан басталған жаңбырдың әсерінен тағы 128 тұрғын түрлі деңгейде жарақат алып, екі мыңға жуық адам баспанасыз қалған.
Осыған байланысты жергілікті билік апатты жағдай орнағанын хабарлап, халықаралық қауымдастықтан 100 миллион доллар көлемінде көмек сұрады.