Орта салмақта WBA (Super), IBO, WBC және IBF тұжырымдары бойынша әлем чемпионы Геннадий Головкинн (36-0, 33 КО) америкалық Дэниэл Джейкобсқа (32-1, 29 КО) қарсы жекпе-жегі жайлы пікір бөлісті, деп хабарлады vesti.kz.
«Джейкобсқа қарсы кездесуді асыға күтіп жүрмін. Бұл жекпе-жек мен үшін үлкен сынақ болмақ. Ол әлемдік деңгейдегі мықты боксшы. Джейкобс мүмкіндіктерін мүлт жібермейтін боксшы. Оның әсіресе, Куиллинге қарсы жекпе-жегін ерекше атап өткен жөн. Шаршы алаңда әр қимылыңды аңдап басуың қажет. Джейкобсты жеңу үшін ақылымды дұрыс пайдалуым керек. Оның деңгейін жақсы білемін», - деді Головкин.
Айта кетейік, қос боксшының арасындағы айқас 18 наурызда АҚШ-тың Нью-Йорк қаласындағы Madison Square Garden аренасында өтеді.