Парламенттің, Үкіметтің өкілеттіктерін кеңейту Мемлекет басшысының «Қазақстанның Үшінші жаңғыруы: жаһандық бәсекеге қабілеттілік» атты Жолдауында айтылған бес институттық реформаны жүзеге асыру жөніндегі «100 нақты қадам» Ұлт жоспарын іске асыру аясында экономиканы үшінші жаңғырту мақсаттарына тиімді қол жеткізуге қызмет етеді.
Ұсынылып отырған конституциялық реформа Үкіметтің жауапкершілігі мен дербестігін арттырады, оған экономиканы тікелей басқаруға баса назар аударуға мүмкіндік береді және оның ішінде еліміздің бюджетіне қатысты міндеттерін де сапалы түрде іске асыруды көздейді.
Заң шығарушы билік тармағы ретінде Парламент рөлінің күшеюі атқарушы билік қабылдаған шешімдерді тиімді бақылауға және халық алаңдаушылық білдірген маңызды мәселелерге уақытында әрекет ету мүмкіндігін күшейтеді.
Парламент Сенаты Қаржы және бюджет комитетінің отырысында еліміздің Ата Заңына ұсынылған өзгерістер мен толықтырулар мүдделілік тұрғысында қызу талқыланды. Талқылау барысында комитет мүшелері конституциялық реформаға және Парламент депутаттарының палаталардың бірлескен отырысында айтқан ұсыныстарына толықтай қолдау білдірді.
Рашит АХМЕТОВ,
Сенаттың Қаржы және бюджет комитетінің төрағасы