Халқымызда «Заманына қарай –талабы» деген мағынасы терең сөз бар. Үшінші мыңжылдық адамзат тарихындағы ең жедел даму кезеңi болғалы тұр.
Бұл даму қоғамның барлық саласын қамтып, оның сапалы өзгерicтерге батыл қадам жасауын қажет етуде. Осы тұрғыдан алғанда, елiмiздегi Конституцияға енгiзiлетiн өзгерiстер мен толықтырулар заман талабынан туындап отырғанын түсінеміз.
Қазақстан Республикасының Президентi Нұрсұлтан Назарбаевтың Парламентке келiп конституциялық реформалар және қалың көпшіліктің ұсыныстары туралы жан-жақты айтып беруі заң жобасының маңыздылығын көрсетедi. Президент әлемдегi, елдiң iшiндегi жағдайды терең бiлiп, саяси өзгерicтер қажеттiлiгiн сезiне отырып, осындай батыл кадамдар жасады. Сонымен бiрге, Президент қоғамда пiкiр қайшылығын туғызған Конституцияның 26-бабына қатысты да ұтымды ұсыныс айтты. Көпшiлiк мұны түсіністікпен қабылдады.
Парламенттiң бiрлескен отырысында Конституцияға енгiзiлетiн өзгерiстер мен толықтырулар бiрiншi оқылымда мақұлданды. Депутаттар тарапынан қосымша ұсыныстар айтылды. Iшкi icтер министрiн кызметке тағайындау және қызметiнен босату өкiлеттiгiн Президент құзыретiнде қалдыру туралы ұсыныстар жергілікті тұрғындармен кездесуде де айтылған болатын. Елiмiздiң қауіпсiздiгіне жауапты iргелi министрлiктiң басшысын тағайындау мен босатуды Президенттiң тiкелей құзыретiне беру туралы депутаттардың ұсынысын өте орынды деп санаймын.
Парламент Сенатының экономикалық саясат, инновациялық даму және кәсiпкерлiк комитетiндегi талқылау кезiнде сондай-ақ, заң жобасы және оны бiрiншi оқылымда қарау кезiнде берiлген ұсыныстарға қолдау бiлдiрiлдi.
Сәрсенбай ЕҢСЕГЕНОВ,
Сенат депутаты