Қазақстандық боксшы Бақтияр Эюбов кезекті жекпе-жегінің алдында салмағын өлшеді. Салмақ өлшеу рәсімі АҚШ-тың Мичиган штатындағы Детройт қаласында өтті, деп хабарлады vesti.kz.
«MGM Grand Detroit» аренасында ұйымдастырылатын бокс кешінде жерлесіміз америкалық Гилберт Венегаспен (15-26-5, 8КО) жұдырықтасады. Жартылай орта салмақта өтетін кездесу 6 раундқа созылады. Бұл кешті жергілікті «Showtime» телеарнасы тікелей эфир арқылы көрсетеді.
Айта кетейік, Эюбов кәсіпқой бокста 11 кездесу өткізіп, барлығында да жеңіске жеткен, оның ішінде он кездесуін уақытынан бұрын аяқтаған.