Швед ғалымдары 1,5 млн адамды бақылау нәтижесінде баласы бар адамның өмірі ұзақ болатынын анықтады, деп жазады ВВС.
Зерттеушілер бірнеше жылдар бойы 60 жасқа толған адамдардың өмір сүру ұзақтығын бақылап, баласы бар адамдардың сәби сүймегендерге қарағанда өмірі ұзағырақ болатындығын байқаған. Бұл зерттеу Journal of Epidemiology & Community Health журналында жарияланды.
Зерттеу қорытындысында өмір сүру ұзақтығына балалардың әсері туралы айтылмаған. Дегенмен, зерттеушілер ата-анаға балалардың көмек көрсетіп, қамқорлық танытуы өмір сүру ұзақтығына әсер ететінін айтады.