"Қазтелерадио" АҚ-ның басқарма құрамы өзгерді, деп хабарлайды компанияның баспасөз қызметі.
28 ақпандағы «Қазтелерадио» АҚ-ның Директорлар кеңесінің шешімімен Ескендір Тәжібеков «Қазтелерадио» АҚ Басқарма төрағасының бірінші орынбасары лауазымына, Жанна Смаилова «Қазтелерадио» АҚ Басқармасы төрағасының әкімшілік және қаржы мәселелері жөніндегі орынбасары лауазымына тағайындалды.
Ескендір Ерманұлы Алматы энергетика және байланыс Интститутын тәмамдап, NARXOZ университетінің IBS Халықаралық бизнес мектебінен МВА дәрежесін алды. Еңбек жолын 1997 жылы «Қазақтелеком» ААҚ инженер қызметінен бастаған.
2006 жылы «Техническая сервисная компания» ЖШС директоры лауазымына тағайындалды.
2008 жылы «Kazsatnet» ҰК АҚ деректерді беру желілерін пайдалану департаменті директорының орынбасары, 2011-2014 жж аралығында компанияда пайдалу департаментінің директоры, басқарма төрағасының орынбасары - техникалық директоры лауазымдарын атқарған.
2015 жылдың қаңтар айынан бастап осы уақытқа дейін «Astana Innovations» АҚ басқарма төрағасының орынбасары лауазымын атқарды.
Жанна Болатқызы Алматы энергетика және байланыс Институтын тәмамдаған. Телекоммуникация саласында 25 жылдық жұмыс тәжірибесі бар.
Еңбек жолын 1998 жылы «Қазақтелеком» АҚ жетекші экономист лауазымынан бастап, 2006 жылға дейін қаржы-экономикалық қызметінің бастығы, экономика және қаржы жөніндегі орталықтың директоры, коммерциялық жобалар басқармасының басшысы міндеттерін атқарды.
2006-2013 жылдар аралығында қызметін Vimpelcom Group (ТМ «Beeline») компаниялар тобында жалғастырды.
2014 жылдан бастап 2016 жылға дейін «Қазақтелеком» АҚ-ның тәуекел бойынша басқарушы директоры қызметін атқарған.