Тегеран Вашингтонға жауап ретінде осындай қадамға барған.
Иран АҚШ-тың 15 компаниясына қарсы санкция салатынын мәлімдеді, деп жазады Тasnim агенттігі.
Санкцияға ілінген компанияларды Иран Сыртқы істер министрлігі "Палестина аймағына оккупацияланған сионистік режимге" тікелей немесе жанама қатысы бар және заңсыз қоныстану арқылы БҰҰ Қауіпсіздік кеңесінің резолюциясын бұзды" деп айыптауда.
Естеріңізге сала кетейік, 24 наурыз күні АҚШ Мемлекеттік департаменті Иран, ҚХДР, Ресей мен Сирияның 30 тұлғасы мен компаниясына қарсы санкция жариялаған еді.