Кеше Астанада Президент Әкімшілігі Басшысының орынбасары Т.Донақовтың төрағалығымен Қазақстан Республикасы Президентінің жанындағы Құқықтық саясат жөніндегі кеңестің отырысы болып өтті.
Отырыста Қазақстандағы корпоративтік құқықты дамыту тұжырымдамасы, оның ішінде Кәсіпкерлік кодексі тұжырымдамасының жобасы, сондай-ақ мемлекеттік қызмет көрсетуді реттеу саласындағы заңнаманы жетілдіру мәселелері қарастырылды. Осы мәселелер жөнінде тиісті ақпарат тыңдалды.
Талқылау қорытындылары бойынша тиісті ұсыныстар пысықталып, олар әрі қарай заң шығару қызметінде ескерілетін болады.
«Егемен-ақпарат».