Женева келісіміне қатысушы болып табылатын Қазақстан 2015 жылға қарай толықтай жер үстінде хабар таратудың сандық форматына көшуге дайындалуда.
Бұл елдің әлеуметтік-экономикалық дамуының басым бағыты және оның тиімді болуы үшін мемлекет тарапынан ерекше назар бөлініп отырған маңызды міндет.
Бұл туралы 8 шілде күні Вена қаласында өткен ЕҚЫҰ-ның «Жаңа БАҚ-тарда пікір алуандығын дамыту» атты кеңесінде ҚР Байланыс және ақпарат вице-министрі Нұрай Оразов мәлім етті.
Ол сондай-ақ келесі жылы Астана, Алматы және Қарағанды қалаларында сандық хабар тарату аймағы құрылатындығын хабарлады.
2012-2013 жылдары сандық эфир Қазақстанның облыс орталықтары мен шекара маңындағы аудандарында жұмыс істейді, ал 2015 жылға қарай сандық форматқа көшу республиканың барлық аумағы бойынша толық аяқталады, деп хабарлады «ҚазАқпарат» агенттігі.