«Достық керуені» – бірліктің дәнекері

Меморандумда қоғамдық-саяси, мәдени, білім беру, ғылым және ақпарат салаларындағы ын­ты­мақтастыққа, екі елдің жа­қын­дасуына, халықтық дипло­матия­ның нығаюы мен дамуына ықпал ететін бірлескен жобалар мен іс-шараларды әзірлеу және іске асыру жоспарланған болатын. «Қазақстан халқы Ассам­блеясы» ғимараты алдынан жолға шыққан керуенді шығарып салу рәсімінде облыстық «Қоғамдық келісім» МКК басшысы Ербол Байқонақов, Түркістан қалалық ақсақалдар алқасының төрағасы Жарылқасын Әзіретбергенов, облыстық «Өзбек» этномәдени бірлестігінің төрағасы, облыс­тық мәслихаттың депутаты Бадрид­дин Нишанкулов сөз сөйлеп, бұл шара Елбасының «Болашаққа бағдар: рухани жаң­ғыру» атты мақаласына қол­дау әрі екі бауырлас ел арасын­дағы достық қарым-қатынас­ты нығайту мақсатында ұйымдас­тырылып отырғанын айтты. – Бұл сапар екі елге бауыр­ластықты әрі қарай арттыра беруге септігін тигізеді, – дейді Түркістан қалалық ардагер­лер кеңесінің төрағасы Жарылқа­сын Әзіретбергенов. – Бұдан бес жыл бұрын да жолымыз түскен. Сонда біз көрші өзбек елінен алар үлгіміз баршылық екенін ұққанбыз. Мәселен, ол жақтың тұрғындары түгелімен барлығы 100 пайыз ана тілінде сөйлейді. Сосын жастары өте ізетті. Бетіңе қарап сөйлемейді. Қолдарын көкірегіне қойып, тек ізеттілік танытады. Қариялар ол жақта кезек күтпейді. Жастардың құрметі күшті. Осындай қасиеттер біздің жастарға үлгі бола алады. Оңтүстікте бақытын қазақ жерінен тапқан 500 мыңға жуық өзбек диаспорасы тұрады. 143 мектепте өзбек ұлтының өкілдері өз ана тілдерінде дәріс алады. Оның ішінде 86-сы қазақ-өзбек және орыс-өзбек аралас мектептері. Ал 57 мектеп таза өзбек тілінде шәкірттерге білім береді. Ал өңірдегі өзбек мәдени орталығының облыс қалалары мен аудандарында 13 филиалы жұмыс істейді. – Біз Қазақстанды өз Отаны­мыз деп танимыз, – дейді облыс­тық «Өзбек» мәдени орталығы төрағасының орынбасары Гули Рано Расулова. – Қазақта «өзбек – өз ағам» деген жақсы нақыл бар. Яғни, жақсылығымыз бен қуа­ныш­тарымыз ортақ халықта­ры­мыз. Біздің мақсат екі ел ара­сын­дағы рухани-мәдени жаңғыруды әрі қарай жалғастыру болмақ. 

Бақтияр ТАЙЖАН, «Егемен Қазақстан» Оңтүстік Қазақстан облысы