Түркия президенті Режеп Тайып Ердоған Нұрсұлтан Назарбаевтың шақыруымен 11-12 желтоқсанда Қазақстанға келеді, деп хабарлайды Yeni Safak агенттігі.
Түркия басшысының екі күндік ресми сапары аясында Қазақстан Президентімен оңаша және делегация құрамында кездеседі. Тараптар екіжақты қатынасты, сондай-ақ діни және халықаралық күн тәртібін талқылайды.
Қазақстан мен Түркия арасындағы стратегиялық ынтымақтастық кеңесінің 3-ші отырысына дайындық мәселесі талқыланады деп күтілуде. Кеңестің бірінші отырысы 2012 жылы Президент Назарбаевтың Түркияға сапары барысында өткен.