Ыстанбұлдағы теракт салдарынан кемінде 29 адам мерт болған. Тағы 166 адам зардап шеккен, деп жазады RT-ге сілтемемен «Хабар 24».
Мұны елдің ішкі істер министрі Сулейман Сойлу да растап отыр. Оның айтуынша, қаза тапқандардың 27-сі полиция қызметкерлері.
Ол сонымен қатар, «Бешикташ» пен «Бурсаспор» командаларының арасында өтіп жатқан ойын кезінде футбол алаңының маңында болған жарылыстың мән-жайы толық анықталмағандығын айтты. Оның сөзінше, жарылыстың себебі жарылғыш зат қойылған көлік болуы мүмкін деген болжам бар.