«ЭКСПО жаңажылдық шамдары» атауымен елорданың Оқушылар сарайында ел Президенті Нұрсұлтан Назарбаевтың атынан балалардың шырша тойы өтті. Жаңажылдық шыршаға 200-ге жуық бала қатысты, соның ішінде, 9-13 жас аралығындағы ата-ана қамқорлығынан айырылған, мүмкіндігі шектеулі, аз қамтылған және көп балалы отбасылардан шыққан балалар, дарынды оқушылар бар.
27 желтоқсанда сағат 11:00-де Оқушылар сарайында Астана әкімінің атынан жаңажылдық шырша өтеді. Шараға ата-ананың қамқорлығынан айырылған, мүмкіндігі шектеулі, аз қамтылған және көп балалы отбасылардан шыққан балалар, дарынды оқушылар, барлығы 300-ге жуық бүлдіршін қатысады.
Бүгінгі күні Астанада жетім қалған және ата-ананың қамқорлығынан айырылған 989 бала бар, 590 бала қамқорлыққа алынған, 72-сі патронаттық тәрбие алуда. Ал жетім балаларға арналған мекемелерде 327 бала тұрып жатыр.