Ауыл шаруашылығы тауар өндірушілердің қажеттіліктері үшін арзандатылған жанар жағармайды жеткізу бойынша міндеттелері толық орындалды. Бұл туралы Премьер-министр Бақытжан Сағынтаевтың төрағалығымен Үкіметтің кезекті отырысында Энергетика министрі Қанат Бозымбаев баяндады.
"Көктемгі-егіс жұмыстарына 322,2 мың тонна және күзгі дала жұмыстарына 364,5 мың тонна тиелді," - деді Энергетика министрі
. Қ.Бозымбаев айтып өткендей, ағымдағы жылдың 26 желтоқсандағы жағдай бойынша мұнай базаларындағы қордың көлемі: Аи-92/93 бензині 112,2 мың тонна, дизель отыны 170 мың тоннаны құрайды.
"Жалпы, мұнай өнімдері нарығында ахуал тұрақты және жанармай тапшылығы байқалмайды," - деді Қ.Бозымбаев.
Сұйытылған мұнай газының ішкі нарықтағы бағасы 2017 жылдың І тоқсанына 1 тонна үшін 28 мың теңге көлемінде бекітілді.
Арнұр АСҚАРОВ, «Егемен Қазақстан»