Қарағанды облысының прокуроры тағайындалды, - деп хабарлады Бас прокуратураның ресми өкілі Нұрділдә Ораз.
Осы қызметке бұрынғы көлік саласының бас прокуроры Ыбрай Тілеуғалиев тағайындалды.
"2016 жылы 28 желтоқсанда Бас прокурордың үкімімен Ыбрай Тілеуғалиев Қарағанды облысының прокуроры болып тағайындалды", - деді Нұрділдә Ораз.
Еске салайық, Асқар Секішев Қарағанды облысының прокуроры қызметінен босатылған.
"Бас прокурордың 2016 жылдың 7 желтоқсанындағы бұйрығымен Секішев Асқар Асанханұлы Қарағанды облысының прокуроры қызметінен өз еркімен босатылып, Бас прокуратураның қарауына тіркелді", - делінген хабарламада.
Заңмен бекітілген мерзімде оған заңнама талаптарына сай қызмет ұсынылатыны хабарланып отыр.