Бірінші лигада өнер көрсететін «Тараз» командасына бас жаттықтырушы болып Ваит Талгаев тағайындалды. Бұл туралы vesti.kz хабарлады.
Жаңа қызметіне білікті бапкер бүгіннен бастап кіріседі. Ол бұған дейін де аталған командаға 1996-1997 және 2010-2011 жылдары жетекшілік еткен. Ал 1996 жылы Қазақстан чемпионатының алтын медаліне қол жеткізген болатын.
Сонымен қатар, Талгаев қазақстандық «Атырау» және ресейлік «Терек» клубтарын жаттықтырған. 2004 жылы Ресей Кубогында жеңіске жеткен.